THE OUTLETS 湘南平塚 (THE OUTLETS SHONAN HIRATSUKA) 位於神奈川縣平塚市，距離新宿車程約1小時30分鐘。THE OUTLETS 湘南平塚於2023年4月28日正式開張。以面積數字而言，屬於偏細嘅Outlet。Outlet屬於AEON MALL旗下業務。
THE OUTLETS 湘南平塚
地址 : 神奈川県平塚市大神字一之堰 605
鄰近車站 : 小田急電鐵「本厚木」站、JR東日本上野東京線/湘南新宿線「平塚」站，需轉駁約20分鐘巴士
總建築面積 : 約67,000平方米
可出租面積 : 約33,000平方米
店舖數目 : 約150間
於本厚木站南口13號巴士站，會有途經THE OUTLETS嘅巴士。詳細時間表可以喺Outlet日文官網查詢。不過，平日每小時5班車當中，只有2班車途經THE OUTLETS旁邊嘅「ツインシティ大神」(下稱Twin City大神) 巴士站，其餘班次落車後需要步行8分鐘。星期六日就會所有班次都駛經Twin City大神，每小時大約有7班車，比較容易搭車啲。
前往Outlet總共有4條巴士線：厚110、厚111、平153及平157。平日到訪Outlet，建議都係參考返Outlet日文官網睇返邊班車途經Twin City大神。另外，Google Maps暫時仍無法提供正確嘅巴士資訊。巴士車程大約需要20分鐘，車費係IC卡JP¥326。營運公司神奈川中央交通同樣係Greater Tokyo Pass覆蓋範圍。
另外，Zakumo係前後幾日到訪東京附近幾個Outlet，只有御殿場Premium Outlets嘅adidas提供6折優惠，THE OUTLETS 湘南平塚、LakeTown Outlet及三井OUTLET PARK幕張嘅adidas店舖都只有7折。
更大問題係，THE OUTLETS湘南平塚面積不算大，卻要同時兼顧地區顧客需要，而設有生鮮市場、郵便局等生活店舖，國際名店數量近乎沒有。
比較AEON MALL旗下另外兩個THE OUTLETS：「THE OUTLETS 廣島」同樣設有超市、戲院等生活店舖，但其面積是湘南平塚的接近兩倍，Outlet類店舖亦算正常數量，設有不少國際名店，亦是附近罕有的Outlet商場。「THE OUTLETS 北九州」面積約為湘南平塚的1.5倍，交通方便，同時旁邊有同一集團的AEON MALL照顧生活所需，Outlet便可集中於一般Outlet店舖，同樣設有不少國際名店。
反觀THE OUTLETS湘南平塚，交通不方便、面積不足夠、品牌不吸引。另外，沿路並沒有其他景點。此Outlet似乎更適合附近居民。因此，Zakumo「並不推介」遊客特地前來，似乎任何其他東京近郊Outlet也會是更好的選擇。
THE OUTLETS 湘南平塚
地址 : 神奈川県平塚市大神字一之堰 605
鄰近車站 : 小田急電鐵「本厚木」站、JR東日本上野東京線/湘南新宿線「平塚」站，需轉駁約20分鐘巴士
總建築面積 : 約67,000平方米
可出租面積 : 約33,000平方米
店舖數目 : 約150間
到訪行程
Zakumo喺2023年6月到訪，係Outlet開張之後未夠2個月時間。小編當日由淺草出發，搭地下鐵到達代代木上原車站，乘搭小田原方向嘅快速急行列車 (由新宿開出，每20分鐘一班車)，大約40分鐘就到達本厚木站。小編使用嘅係Greater Tokyo Pass，5日JP¥7,200任搭首都圈主要地鐵/私鐵/巴士。小田急電鐵都係Pass嘅覆蓋範圍，毋須額外車費。於本厚木站南口13號巴士站，會有途經THE OUTLETS嘅巴士。詳細時間表可以喺Outlet日文官網查詢。不過，平日每小時5班車當中，只有2班車途經THE OUTLETS旁邊嘅「ツインシティ大神」(下稱Twin City大神) 巴士站，其餘班次落車後需要步行8分鐘。星期六日就會所有班次都駛經Twin City大神，每小時大約有7班車，比較容易搭車啲。
前往Outlet總共有4條巴士線：厚110、厚111、平153及平157。平日到訪Outlet，建議都係參考返Outlet日文官網睇返邊班車途經Twin City大神。另外，Google Maps暫時仍無法提供正確嘅巴士資訊。巴士車程大約需要20分鐘，車費係IC卡JP¥326。營運公司神奈川中央交通同樣係Greater Tokyo Pass覆蓋範圍。
小田急電鐵是Greater Tokyo Pass適用範圍，憑Pass拍卡出閘免收車費
前往Outlet可乘搭厚110、厚111、平153及平157
巴士以距離計價，於後門上車及前門落車，上落車時需各拍一次IC卡
今次乘搭嘅係平157，留意電子牌有顯示途經ツインシティ大神 (Twin City 大神)，即ジ・アウトレット湘南平塚 (THE OUTLETS 湘南平塚)
巴士上設有顯示屏列出車站，設有日文及英文。落車站是「Twincity OOKAMI」
巴士有途經「新道」、「舊道」兩種道路，車程相差6-7分鐘
於Twin City 大神巴士站落車後，需途經停車場前往Outlet，步程約3-5分鐘
運動用品店
NIKE、adidas、PUMA、Under Armour都有開設店舖。NIKE及adidas分店對比其他Outlet算係比較大間嘅。另外，Zakumo係前後幾日到訪東京附近幾個Outlet，只有御殿場Premium Outlets嘅adidas提供6折優惠，THE OUTLETS 湘南平塚、LakeTown Outlet及三井OUTLET PARK幕張嘅adidas店舖都只有7折。
服裝、配飾等
服裝店包括Champion、GAP、Right-On、Banana Republic、DIESEL、BEAMS、Theory、FURLA等。另外亦有SEIKO、Samsonite、Francfranc等。Food Court 美食廣場
THE OUTLETS湘南平塚設有一個稱為「Food Forest」的美食廣場，位於2樓。Outlet嘅麥當勞亦位於Food Court內。另外，於Food Court外亦有幾間其他餐廳。大神Village
Outlet地面中間位置被稱為「大神Village」。實際上，大部份分店都可以經Outlet普通走廊進入，而毋須途經大神Village。不過，「GODIVA café」就位於大神Village中間，如果冇特別留意可能會搵唔到佢嘅位置。睇返目前全日本只有10間GODIVA café，而且呢間分店位處Outlet獨棟建築，附近有好多植物環境唔錯。有興趣試下嘅記得搵到大神Village就會搵到GODIVA café喇！其他店舖
另外，Outlet都有Starbucks，基本嘅便利店 (品牌就係NewDays)。另外，人氣¥300店3COINS亦有喺呢度開設店舖。店內會有少量產品以Outlet價發售㗎！生活店舖
除咗一般Outlet會有嘅店舖外，呢度亦有貼合生活所需嘅「生鮮市場」、郵便局、DAISO及即將開幕嘅診所。評價
東京近郊有非常多Outlet。THE OUTLETS湘南平塚地點距離東京市區唔算太遠，但始終交通不方便，需要乘搭巴士接駁。交通方便程度就不及電車可以直達嘅「LakeTown Outlet」或者「三井OUTLET PARK幕張」。更大問題係，THE OUTLETS湘南平塚面積不算大，卻要同時兼顧地區顧客需要，而設有生鮮市場、郵便局等生活店舖，國際名店數量近乎沒有。
比較AEON MALL旗下另外兩個THE OUTLETS：「THE OUTLETS 廣島」同樣設有超市、戲院等生活店舖，但其面積是湘南平塚的接近兩倍，Outlet類店舖亦算正常數量，設有不少國際名店，亦是附近罕有的Outlet商場。「THE OUTLETS 北九州」面積約為湘南平塚的1.5倍，交通方便，同時旁邊有同一集團的AEON MALL照顧生活所需，Outlet便可集中於一般Outlet店舖，同樣設有不少國際名店。
反觀THE OUTLETS湘南平塚，交通不方便、面積不足夠、品牌不吸引。另外，沿路並沒有其他景點。此Outlet似乎更適合附近居民。因此，Zakumo「並不推介」遊客特地前來，似乎任何其他東京近郊Outlet也會是更好的選擇。