香港機場外幣提款機 (富豪機場酒店滙豐理財易中心)

機場作為去旅行喺香港嘅最後一站，去到機場仲可唔可以攞多啲外幣呢？

雖然香港有5間銀行設有外幣提款機，不過銀行喺機場設置嘅提款機，全部只可以提取港幣，並不設外幣㗎！

但其實HSBC喺機場只需步行2-3分鐘嘅地點，就有兩部外幣提款機，可以提取日圓、美元、歐元及人民幣！呢個地點就係「富豪機場酒店」，只需喺一號客運大樓嘅L5 (抵港層)，經冷氣天橋步行大約2分鐘就會去到富豪機場酒店滙豐理財易中心！

簡單啲講，機場Check-in Counter位於7樓，只需使用升降機或扶手電梯前往L5抵港層，於接機大堂A附近，搵到Pret A Manger店舖就會見到行人天橋，沿著冷氣行人天橋就可以去到富豪機場酒店。而滙豐理財易中心就位於天橋同一樓層，中庭嘅右手邊。

截至2023年8月現場所見，理財易中心設有2部日圓、美元、歐元及人民幣外幣提款機。

富豪機場酒店滙豐理財易中心
地址 : 香港國際機場暢達路9號富豪機場酒店215號舖
開放時間 : 24小時