[申請及使用] 馬會轉數快教學

最後更新日期 : 2020年3月4日

香港賽馬會早前推出全新轉數快即時入錢或攞錢，就等我哋話畀大家知有咩好處同點用啦！

點樣設置、申請？

「香港賽馬會轉數快即時轉賬」嘅特點係毋須前往投注站申請 (而經易辦事系統嘅服務需要前往投注站辦理)。投注戶口持有人只需登入馬會Racing Touch或流動投注服務應用程式，即可自助綁定銀行戶口。

支援甚麼銀行？

「香港賽馬會轉數快即時轉賬」服務現時支援15間銀行嘅銀行戶口，其中包括HSBC滙豐、恒生、渣打、中銀香港、DBS星展銀行、集友、南洋、中信銀行(國際)、創興、大新、中國工商銀行(亞洲)、中國建設銀行(亞洲)、招商永隆、上海商業銀行、交通銀行香港
(暫不支持例如PayMe之類的儲值支付工具)

銀行驗證需時

有關服務在設定後需要等待銀行驗證，馬會指銀行一般可於5個工作天內確認。不過，小編實試使用滙豐戶口，滙豐係可以做到即時確認㗎！之後就即時可以使用！

馬會提示 : 中國工商銀行 (亞洲)客戶需自行登入其網上銀行確認。我哋就建議大家唔好使用呢間銀行喇

點樣入錢、攞錢？

目前「香港賽馬會轉數快即時轉賬」服務只係支援馬會Racing Touch或流動投注服務應用程式，及網上投注服務「投注區」處理交易。所有存款、提款必須經馬會Racing Touch或流動投注服務應用程式，及網上投注服務「投注區」處理。

入錢幾時可以用、提款幾時可以攞到？

轉數快其實啫係「快速支付系統」。所有經轉數快嘅交易都係即時過數㗎。換言之，入錢即時可以用嚟投注，提款即時可以喺銀行戶口見到。而例如用繳費靈之類嘅係需要幾個鐘先得㗎。

手續費？

「香港賽馬會轉數快即時轉賬」服務毋須任何手續費。馬會及銀行均不會收取手續費。

最低、最高限額？

「香港賽馬會轉數快即時轉賬」服務嘅最低存款額為$100、預設每日存款上限為$200,000元。最低提款額為$1，每日提款上限合共為$200,000，每日最多可提款10次。