溜冰場2023丨7間嘅位置、面積、詳細資料比較

最後更新日期 : 2023年1月22日

香港現時有7個真雪溜冰場。溜冰場開返未？以下列出溜冰場最新安排，全部溜冰場已經有限度／全面重開，西九龍中心冰上樂園亦已於8月9日起提供公眾溜冰時段。（推介：全港保齡球場資訊）

可網上預先購票之溜冰場

• 太古城中心冰上皇宮 Ice Palace：可於Klook預先購票
• 愉景灣溜冰場 DB Ice Rink：可於Klook預先購票

全部溜冰場公眾溜冰時段資訊
1. 太古城中心冰上皇宮 Ice Palace：每日部份時段開放，門票數量有限並會提早30-90分鐘開始發售，請留意官網時間表，如門票售罄會於Facebook通知。現最新推出可於Klook預購門票，亦會預留部份名額作現場售票

2. Mega Ice @ 九龍灣MegaBox：每日開放，除晚上作冰球活動外，其餘時段基本上全日開放，時間表

3. The Rink @ 圓方：每日開放，除部份晚上及星期六早上作冰球活動或溜冰學生專用外，其餘時段基本上全日開放，每分鐘$1.1/$1.6，時間表

4. 又一城歡天雪地 glacier：公眾溜冰時段於2022年5月1日起，每日部份時段開放，星期六日有限度開放，時間表

5. 日出康城 LOHAS Rink：4月21日起，每日開放公眾溜冰，時間表及價錢按此

6. 愉景灣溜冰場 DB Ice Rink：9月每日開放，可於Klook預購門票

7. 西九龍中心飛龍冰上樂園 Sky Rink：溜冰場開放公眾溜冰。逢星期一至三大部份時間開放公眾溜冰，星期四至日只限少量時段。入場費維持$80，更另需溜冰鞋費用$15。面積為全港最細，商場及溜冰場最殘舊，收費卻為全港最貴


敬請留意以下政府對溜冰場的基本規定

• 入場人士（12歲以下兒童除外）必須符合疫苗通行證要求，即5月31日起需已接種3針（或為特定獲豁免人士）
• 必須使用安心出行應用程式，及出示疫苗通行證或豁免證明書之二維碼，由溜冰場掃描入場人士之二維碼作記錄（即與食肆安排相同）。出示沒有二維碼的豁免證明書須填妥指定申報表格
• 入場人數上限：85%；限聚每組不得超過8人
• 必須佩戴口罩（除合理必要飲用飲品時、或在公眾溜冰場運動時可獲豁免） 註：此只屬政府最低要求，溜冰場營運時的安排或有不同，實際上溜冰場一般要求公眾入場人士需持續佩戴口罩
• 更多規定可參閱此PDF之第二頁

詳細介紹

• #1 太古城中心冰上皇宮 Ice Palace

唯一一個設於港島嘅公眾溜冰場。溜冰場2020年已經全面翻新及重新開張！溜冰場會提早售票，官方網站「開放時間 PDF」會顯示各時段嘅開始售票時間。由於政府限制溜冰場內最高入場率，門票或會較早售罄，如果當日門票售罄會於官方Facebook專頁公佈（公眾假期、星期六日一般均會在溜冰時段開始前已經售罄，Facebook售罄公佈會於當日之後被刪除）。由2022年5月26日起，溜冰場已推出Klook預購門票安排，入場人士可於Klook網站預先購票，需選定日子、時段及於Klook付款，不可取消或退款。購買後即可保證獲入場名額，另部份名額亦會預留作即日現場售票。

地址 : 鰂魚涌太古城中心1樓
交通 : 巴士站 英皇道「太古城中心」5樓、太古城道「太古城中心」地下、「康怡廣場」，或港鐵太古站E2出口直達商場
商場泊車位數目 : 834個（另外鄰近之星輝臺第十期停車場亦提供時租及商場泊車優惠）
官方資訊 : 官方網頁、Facebook專頁
電話及電郵 : 28448688、icepalace@swireproperties.com
營運機構 : 太古地產管理有限公司
冰面面積 : 800平方米
大約價錢 : 平日$70-75、假日$95
公眾溜冰 : 有開放，詳情請參閱官方網站嘅開放時間及票價
Klook預先購票 : 按此前往Klook

商場其他主要商戶 : 百老匯MOViE MOViE戲院、APITA百貨、LOG-ON、Uniqlo、H&M、ZARA、Zoff、誠品生活、MUJI、CD Warehouse、玩具反斗城、美國冒險樂園
鄰近其他商場及商戶 : AEON STYLE康怡（有Molly Fantasy）及康怡廣場（經太古城中心5樓出口或港鐵站步行約5分鐘）

• #2 九龍灣MegaBox Mega Ice

Mega Ice溜冰場係香港第三大嘅溜冰場，符合國際標準，面積僅次於愉景灣溜冰場及康城LOHAS Rink。

地址 : 九龍灣宏照道38號MegaBox 10樓
交通 : 常悅道國際交易中心對面巴士站、常悅道近企業廣場巴士站、宏通街綠在觀塘外巴士站，或港鐵九龍灣站A出口德福廣場2期地下轉乘免費穿梭巴士
商場泊車位數目 : 約1000個
官方資訊 : 官方網頁、Facebook專頁
電話 : 27094023（一般查詢）、27094020 / 27094021（課程查詢）
營運機構 : 嘉里建設旗下「Rink Management Group Limited」
冰面面積 : 1482平方米
大約價錢 : 平日$60、假日$80
公眾溜冰 : 有開放

商場其他主要商戶 : AEON九龍灣店（有Molly Fantasy）、IKEA宜家、嘉禾戲院、Neway旗下CEO卡啦OK、玩具反斗城、H&M、GigaSports
鄰近其他商場及商戶 : 德福廣場

• #3 圓方The Rink

The Rink係首個及唯一一個香港溜冰場採用每分鐘收費嘅概念，顧客需要喺進出冰面時拍八達通卡，按顧客喺冰面上停留時間收費並於八達通扣錢。不過商場消費水平高，缺乏平民商店。

地址 : 九龍站圓方商場地下層
交通 : 港鐵九龍站C出口、九龍站公共運輸交匯處、西區海底隧道收費廣場巴士站
商場泊車位數目 : 超過1000個
官方資訊 : 官方網頁、Facebook專頁
電話 : 21968016（一般查詢）、21968120／21968122（課程查詢）
營運機構 : The Rink Limited
冰面面積 : 920平方米
大約價錢 : $20入場費另加冰面停留每分鐘$1.5
公眾溜冰 : 每日開放，時段可參閱官方網頁

商場其他主要商戶 : 3hreesixty超市、ZARA、PREMIERE戲院及其他名牌
鄰近其他商場及商戶 : 沒有

• #4 西九龍中心飛龍冰上樂園 Sky Rink

西九龍中心溜冰場面積係全港最細，雖然商場走平民路線，但係溜冰場喺重開後定價卻係全港最貴，而且亦未有公佈每日嘅公眾溜冰時段。另外，商場廁所衛生質素實在係難以接受！

地址 : 深水埗西九龍中心8樓
交通 : 港鐵深水埗站C1出口、西九龍中心地面深水埗（欽州街）巴士總站或長沙灣道及荔枝角道亦有大量巴士路線途經
商場泊車位數目 : 沒有數據
官方資訊 : 官方網頁
電話 : 23079264（一般查詢）、23079365（課程查詢）
營運機構 : Dragon Centre Services Limited
冰面面積 : 738平方米
大約價錢 : 每位$80，另需溜冰鞋費用$15
公眾溜冰 : 有

商場其他主要商戶 : 美國冒險樂園、奇趣天地遊樂場、5/6/7/9樓蘋果商場、8樓美食廣場
鄰近其他商場及商戶 : 黃金電腦商場、高登電腦中心

• #5 又一城歡天雪地glacier

又一城歡天雪地係全港第四大面積嘅溜冰場，又一城現時由新加坡豐樹北亞商業信托持有。

地址 : 九龍塘又一城UG-21號
交通 : 港鐵九龍塘站C出口、又一城公共交通交匯處
商場泊車位數目 : 830個
官方資訊 : 官方網頁、Facebook專頁、Instagram
電話及電郵 : 28443588、55003588 (每日上午10時30分至下午6時)、glacier@glacier.com.hk
營運機構 : Mapletree North Asia Property Management Limited
冰面面積 : 1150平方米
大約價錢 : $75
公眾溜冰 : 有開放

商場其他主要商戶 : TASTE超市、Apple、美食廣場、H&M、MUJI、玩具反斗城、LOG-ON、Uniqlo、FESTIVAL GRAND CINEMA
鄰近其他商場及商戶 : 沒有

• #6 愉景灣溜冰場 DB Ice Rink

愉景灣溜冰場已經喺2021年新開張，係香港其中一個最大型嘅溜冰場，符合國際標準，擁有高水平的冰上設施。不過愉景灣嘅交通比較唔方便，需要喺中環坐船或者喺港鐵欣澳／東涌站轉搭巴士前往，交通需時較耐，而且費用都比較貴，愉景灣都比較缺乏平民化嘅餐廳選擇。

地址 : 大嶼山愉景灣愉景廣場C座地下
交通 : 中環碼頭往愉景灣航線、東涌站DB01R或欣澳站DB03R（更多詳情）
商場泊車位數目 : 0個，私家車不准駛入愉景灣
官方資訊 : 官方網頁、Facebook專頁、Instagram
電話及電郵 : 22340187 (一至五1000 - 2100、週末1000 - 2200)、enquiry@dbicerink.com
營運機構 : 香港興業（香港興業國際及中信泰富合資）旗下「Discovery Bay Ice Rink Limited 愉景灣溜冰場有限公司」（歸類為集團旗下Auberge Hospitality Limited 愉景灣酒店會所管理有限公司一員）
冰面面積 : 1593平方米
大約價錢 : $70
公眾溜冰 : 有開放
Klook預先購票 : 按此前往Klook

商場其他主要商戶 : Slowood等，商場商戶詳情
鄰近其他商場及商戶 : 沒有

• #7 LOHAS Rink

LOHAS Rink坐落MTR Malls「The LOHAS康城」，已經喺2021年新開張，同樣係香港其中一個最大型嘅溜冰場，符合國際標準。乘搭將軍澳綫往康城嘅乘客繁忙時間記得留意列車目的地，非繁忙時間就需要喺將軍澳站或調景嶺站轉乘康城穿梭列車。

地址 : 日出康城The LOHAS康城商場2樓206-210號舖
交通 : 康城站B出口、康城站公共運輸交匯處
商場泊車位數目 : 366個
官方資訊 : 官方網頁、Facebook專頁（沒有）
電話及電郵 : 任何查詢 26228400；一般查詢 info@lohasrink.com.hk、課程查詢 school@lohasrink.com.hk
營運機構 : 香港冰球訓練學校旗下「LOHAS Rink Limited 康城溜冰場有限公司」
冰面面積 : 約1579平方米（未有官方數字，以網上資料指約17000呎計算）
大約價錢 : 平日約$65、假日約$85
公眾溜冰 : 每日開放，最新時間表

商場其他主要商戶 : NAMCO、The LOHAS Collect、FRESH新鮮生活、Mono Mono、英皇戲院
鄰近其他商場及商戶 : 沒有


公眾溜冰開放情況更新至2022年9月12日00:27，建議參閱各溜冰場官方網站或Facebook專頁獲得最新資訊

－－－－－

另外，本頁亦陸續收錄部份已結業之「真雪溜冰場」（並不包括滾軸溜冰場）

• 荃灣廣場 - 荃灣廣場冰上皇宮／新鴻基地產／1991年4月開幕／結業時間待查
  落成時為全港最大，長40米、闊30米，1991年入場費為平日$30、六日$40（2小時）
  資料來源：1991年4月11日之華僑日報
  
  
• 荃灣海濱廣場／新世界發展／1990年開幕／2012年11月19日結業
  位於商場3樓
  
  
• 荔園 - 荔園室內真雪溜冰樂園／1988年2月16日開幕／結業時間待查
  註 : 1988年之前亦已經有溜冰場，不過相信曾經搬遷／裝修，於1988年重新正式開幕
  總面積超過28000呎，1988年入場費為$45
  資料來源：1988年2月12日之華僑日報

以上此段溜冰場資訊為歷史紀錄，相關溜冰場經已結業