交通系ic卡丨東京大阪福岡交通ic card

去日本玩要乘搭公共交通工具，使用ic card付款當然係最方便啦！其實由2013年起，全國主要都市，由各地JR集團公司、地方交通部門或者私鐵推出嘅10款交通系ic卡於使用上已經實施全面互通，至今已經10年歷史。互通嘅交通系ic卡包括：

1. Suica (JR東日本)
   
2. PASMO (東京地鐵、京成、京急、東急、西武、東武等)
3. ICOCA (JR西日本)
4. PiTaPa
5. nimoca (九州西鐵集團)
6. Hayakaken (福岡市營地下鐵)
7. SUGOCA (JR九州)
8. manaca (名古屋鐵道、名古屋市交通局等)
9. TOICA (JR東海)
10. Kitaca (JR北海道)

換言之，只要係原有可以使用某一種ic卡嘅交通工具，由2013年已經可以使用所有以上所有10款交通卡，即係：

• 東京的Suica亦可以於關西、大阪、九州、福岡、北海道使用
• 東京的PASMO亦可以於關西、大阪、九州、福岡、北海道使用
• 關西的ICOCA亦可以於東京、關東、九州、福岡、北海道使用
• 九州西鐵的nimoca亦可以於九州JR、東京、關東、關西、大阪、北海道使用
• 福岡的Hayakaken亦可以於全九州、東京、關東、關西、大阪、北海道使用
• JR九州的SUGOCA亦可以於九州西鐵、東京、關東、關西、大阪、北海道使用
• 名古屋的manaca亦可以於JR東海、東京、關東、關西、大阪、九州、福岡、北海道使用
• JR東海的TOICA亦可以於名古屋manaca範圍、東京、關東、關西、大阪、九州、福岡、北海道使用
• JR北海道的Kitaca亦可以於東京、關東、關西、大阪、九州、福岡、名古屋使用

不過，「交通系ICカード全国相互利用サービス」10種ic卡互通只限「使用」層面，乘搭交通工具、店舖消費、增值一般係互通嘅。但於購買新卡、卡有問題需要處理、或者退卡就必須於該ic卡相應範圍先可以處理。

使用「交通系ic卡」購物

小編發現，設於地鐵範圍嘅唔少自動販賣機，拍卡位置只會顯示PASMO或者Suica嘅logo，未必會貼出其他ic卡logo。另外，小編喺SUNNY超市嘅自助付款機曾經嘗試使用交通ic卡付款，發現屏幕需要點算「交通系ic卡」嘅logo，並唔會顯示Suica、PASMO、ICOCA等logo。另外，喺Taito Station夾公仔機用交通ic卡付款，都需要點選「交通系ic」而唔會顯示PASMO、Suica等等嘅名稱。

交通系ic logo

全國適用！Apple Pay購入東京PASMO或Suica、關西ICOCA

如果你有可以於Apple Pay使用嘅信用卡、Debit卡，你可於Apple Pay購入PASMO、Suica。由2023年6月27日起，JR西日本的ICOCA卡亦開始推出Apple Pay服務。

依照以下指示，即可在「Wallet 銀包」App內加入一張PASMO卡，如果想加入Suica或者ICOCA，操作方法也是相同，只需在第三步選擇時改為該卡款即可。不過選擇邊張卡片分別不大，始終都係通用嘅。據說，Visa卡或者未能使用作Apple Pay內Suica及PASMO的購買及增值。大家可以使用Mastercard、台灣發行的JCB或者香港發行的銀聯卡。