Meadows 品牌/公司資訊

最後更新日期 : 2020年7月5日

Meadows呢個品牌有唔少嘅零食、食品同其他產品，例如薯條、餅乾、芝士、巧克力、鹽、杏仁、水、牛奶。而你只會喺惠康、Market Place by Jasons或者7-11便利店見到Meadows嘅產品。

• 品牌資訊

其實Meadows係「牛奶公司」(惠康/Market Place/7-11便利店母公司)旗下嘅自家品牌，啫係類似特惠牌、超值牌、首選牌或者佳之選嘅品牌。不過，或者因為香港顧客對於呢啲自家品牌嘅印象都唔係咁好，所以惠康就推出咗一啲新名嘅自家品牌喇。

• 產地

同其他超市自家品牌一樣，都係視乎唔同產品有唔同產地㗎。

不過，例如屈臣氏集團旗下知名嘅果汁品牌「果汁先生」嘅果汁已經搬到東南亞生產，Meadows新出嘅橙汁反而係香港製作嘅。

• 買唔買得過？

而自家品牌嘅產品一般售價較為平，不過有時質素同其他品牌就會有啲差別。有時細心比較或者可以買到平啲而質素又差唔多嘅產品㗎！

不過Meadows同普通超市自家品牌嘅分別就係，Meadows有好多特別嘅產品，例如有唔少香料，比起其他品牌隨時更加全面，價錢亦都平咗好多㗎！而常溫牛奶亦都只係13蚊1公升，喺超級市場可以買到嘅算係幾平㗎喇！