R32雪種安全性

最後更新日期 : 2020年5月14日

夏天又到喇，近年有唔少冷氣機都轉用R32雪種，不過有啲人就擔心R32雪種有危險性，就等我哋為大家拆解下安唔安全啦！

• R32係一隻點嘅雪種？

R32的確係一款輕度易燃嘅雪種。而R32嘅全球變暖潛能值(GWP)較低，對於地球嚟講係比較環保㗎！

• 點解要用R32雪種？

雖然R32比起以前用開嘅R410A危險啲，但係因為R32嘅全球變暖潛能值(GWP)較低，對於地球比較環保。加上各國喺2019年開始都逐步轉用低GWP嘅氣體，所以各間冷氣生產商都陸續轉用R32而淘汰R410A喇！不過，R32雪種其實都未係最環保嘅雪種，預期日後都會繼續轉用更環保嘅雪種㗎！

• R32雪種安全嗎？

R32雪種的確係輕度易燃，不過正因為佢有呢個特性，香港政府機電工程署係有就R32作出更多嘅規管。所以喺正常的情況下，使用輕度易燃雪種的冷氣機與一般冷氣機例如使用R410A雪種嘅安全程度無差別㗎！

《電氣產品（安全）規例》有就使用輕度易燃雪種(包括R32雪種)作出規範，例如雪種最高分量的限制、房間最小面積及安裝高度下限等要求。而使用輕度易燃雪種的家用冷氣機應貼有「易燃物品」標籤。

• 有邊間冷氣製造商轉用R32雪種？

DAIKIN大金冷氣係目前全球唯一具有研發、製造雪種及冷氣機等一條龍產製的專業冷氣品牌，亦係世界上第一間成功將R-32雪種用於冷氣機的公司。自2011年9月開始，大金已經將「製造‧銷售 R32 空調機所必需要的基本專利技術」無償開放畀其他廠商使用。

而大金就率先喺2014年將R32雪種嘅冷氣機引入香港市場，及後喺2018年起亦推出更多使用R32雪種嘅冷氣機型號。2019年起，Panasonic樂聲、Rasonic樂信亦都推出R32雪種窗口式冷氣機。而去到2020年，Samsung、LG及美的亦都喺香港市場推出R32雪種冷氣機。